Welches war für Dich der beste Auftritt?

Lachfestival in Lache isch mega genial gsi. Aber au d Sportlerehrig in Schübelbach. Und vor langer Ziit Grundgässli Night z Sibnä und s Jubiläum vom Jodelclub Sängertreu.

Welcher Auftritt hat Dir nicht so gefallen?

Ebefalls vor langer Ziit mal uf eme Züriseeschiff. Mega schön Wätter und d Lüüt hetted lieber ufs Deck use welle als üs zuelose. Und z Altedorf im Dorfgade ame Spaghettiplausch wo üs so praktisch gar niemert zueglost hät.

Was würdes Du gerne mal darbieten auf der Bühne?

Was zum Teil i mine Sportstunde ablauft, oder allgemein Schüeler-Lehrer Situation wär mal amüsant. "Sie Herr Chääli, chammer Sie miete..???"
Und momentan gseht mer im Fernseh rächt vill luschtigi und doofi Sache wo mer öppis chönnt drus mache für uf Bühni.

Was hat Dir an welchem Auftritt am besten gefallen?

Minigolf in Suste mit em Börn, womer z Leuk Uftritt gha händ... Inklusive Rückfahrt über dä Furka mit offne Fänschter bi -5 Grad und ineluege in Gerundu-See...(only for insiders)

Warum gehst Du immer als Erster auf die Bühne?

Öppe will du Schiss häsch...?!?

Wo würdest Du am liebsten mal auftreten?

Benissimo. Meh wäg em Beni. Oder am Geburtstagsfäscht vom René Rindlisbacher.  

Wie lange willst Du mit mir noch Comedy machen?

Bis üs d Lüüt nüme luschtig findet oder mir kei Engagement meh überchömed.

Warum fahre immer ich zu den Auftritten?

Han ich mich au scho gfroget. Will Du mich immer chunnsch go abhole.

Deine Lieblingsnummer?

Köbeli (Ich wett au mal dä Köbeli si zum luege wie das so isch). Und dä Tell!

Wie motivierst Du Dich vor einem Auftritt?

Sobald ich mini Uftrittschueh agleit han, und weiss das alles parat isch und für üs stimmt bin ich automatisch motiviert.

Welche war die interessanteste Person die Du durch unsere Auftritte
kennengelernt hast?

Ui, das sind es Paar. Vor allem e huufe luschtigi Lüüt wie z.B. dä Günti Bühnebauer und dä Michel Villa. Und au vill seriösi Lüüt wie dä Christophe Darbellay und natürlich sportlichi wie dä Urs Freuler womer sogar en luschtig Film mit ihm händ chöne mache.

Was ist Dein grösstes Ziel, welches Du Comedy mässig noch erreichen willst?

En Homestory i dä Schwiizer Illustriertä...

Wann wirst Du nervös und warum?

Wänn en Alass nöd guet organisiert isch, mir kei Asprächsperson händ und z wenig Platz ume isch.

Ergänze folgende Stichworte mit einem Wort:      

Vielen Dank für Deine offenen und ehrlichen Antworten.

Bitte.